جووووري و روح المساء

يعطيكم الف عافيه عـلى وجودكم في اسرة الهيمان

ولوجودكم بنزل اجزاء الحين

راحت رجاء عند نبراس
رجاء : نبراس اتمنى ما تزعلين
نبراس:لا بس وش فيك قلقتيني
رجاء: سلامتك بس حبيت أعرف اسمك با الكامل
نبراس: ليه ؟؟؟
رجاء بس كذا ما عرفت اسمك با الكامل ابغى اعرف عايلتك
نبراس : انا(( نبراس سالم عبدالرحمن آل سعيد))
رجاء : يا ربي هذا مطابق لا سمي شلون ممكن تكون تقرب لي
نبراس: رجاء شفيك
رجاء: لا بس.. ها ماادري
نبراس: تكفين شنو صاير الله يخليك ليه فجئه صرتي كذا
رجاء : نبراس أسمك مطابق لا سمي شلون انا اسمي
((رجاء عبدالله عبد الرحمن محمد سالم آل سعيد))
نبراس: وانا بعد كذا
تفارقوو البنات بعد الجلسه اللي مضوها مع بعض
نبراس طول الوقت ساكته وأ حساسها يقول انها قريبتها وصلت البيت واهي مره تضايقت من اللي يصير واساله كثير تدور في بالها ومو عارفه وش تسوي دخلت البيت والكل يتساءل شفيها وطبعاً محد يدري عنها
ام فؤاد : يمه نبراس شفيك تعالي
نبراس وهي تناظر امها وترجع تناظر ابوها
بو فؤاد: شفيك نبراس ليه متكدره انتي طلعتي من هنا والفرحه مو شايلتك انك بتروحين عند صديقتك وش اللي صار لك
نبراس تصرخ : ما فيني شيء وتكفون خلوني ولحد يكلمني وصعدت فوق بس فيراس ما خلاها راح يركض لا اخته
فراس: نبراس ... نبراس شوي ممكن
نبراس: نعم شفيك
فراس: يعني بنظل كذا ما راح نجلس أبغى أسولف معاك ولا ما لك خلقي حتى انا
نبراس تموت على فراس ... لا تعال معاي الغرفه
دخلو غرفة نبراس وظلو يسولفون وقالت نبراس لا اخوها السالفه كلها
فراس: أنصدم شلون يعني واهي عندها اخوان
نبراس : ايه عندها ثلاثه اولاد
فراس: أها خلاص لا تشيلين هم وخللك متمسكه في البنت Ok
نبراس: Ok بس انت شنو راح تسوي
فراس:ما ادري بس انشاء الله خير
مضى اليوم عندهم والجو كله تفكير في تفكير
ام فؤاد وبو فؤاد يفكرون في نبراس وش اللي صار لها وخلاها كذا تعتفس عليهم
نبراس:اللي تفكر شلون تتوصل للبنت ومن تكون وش الغرابه
فراس اللي جالس على اعصابه يبغى يصبح الصبح ويحل المشكله اللي اهما فيه
أما بيت بو احمد احمد عايش جوه مع حبيبة القلب
رهف جالسه على الكمبيوتر وتكلم خويها
محمد يطلع بغرور ويدخل بغرور لان الاهل مخليينه يا دهينه لا تنكتين
(( بس من جدو يستاهل ))
رجاء اللي كانت مع اخوها وميته تبغى تعرف السالفه
حامد طبعا شيء مريحه أنا طلع الاسم متشابه ومتفائل كثير ومره مستانس
بس متكدر على الحب الابدي ليه يتصل فيها وما ترد عليه

صبح الصبح وقرر فيراس يكلم اخوانه عن الموضوع وجلسو كلهم مع ابوهم الا نبراس اللي كانت مو موجوده
فراس : فارس فهد فؤاد ممكن ابغاكم اشوي
الكل ياالله
بو فؤاد: يا ام فؤاد وضع العيال مره مو عاجبني
ام فؤاد : حتى انا من امس واحسهم مو على بعضهم الله يستر
فراس: يا اخواني صحيح انا لصغير فيكم بس جمعتكم في موضوع اهلنا خاشينه عنه من فتره بس مو متاكد
فؤاد : طيب ترى نشف دمي
فهد وفارس : خلصنا بسرعه
فراس : ابوي عنده اخو اسمه سالم عبد الرحمن سالم محمد آل سعيد
فؤاد : هذا الاسم مطابق لاسم ابوي اكيد اخوه بس انا بسال اني
فراس :لالا ... لا تسالها نبي نتاكد واذا صار ما صار نفاتحهم
بالموضوع ولا وش قلت
الكل شلون يعني
فراس: نجلس مع عيال عمي ونشوف
فارس : ايوووه انا رايي من رايك
فؤاد : ماادري والله وش اقول لك
فهد: انت على طول مسميه عمي وما تدري اذا صدق ولا لا
فراس: الا متاكد انه عمي وراح تشوف
فؤاد : الا فراس شلون عرفت



فراس : نبراس تعرف بنت سالم معاها با المدرسه والبارح راحت بيتهم
فهد :بعد رايحه بيتهم
فؤاد : ياريت تسكت انت .... بس شلون بتاخذ الرقم انت
فراس : عادي بكلم على نبراس تكلم رجاء وتقول لها تعطيني الرقم ما نحلت......................... كلهم وافقوو
فهد:بس متى علشان اكشخ
فراس: مالت عليك تكشخ هذا اللي هامك
فهد : علشان يشوفوني حلو واذا بعدين حبيت اخذ منهم ما يقولون يفشل
فؤاد: خلك من هرجه...... حلو العصر تتفق معاهم
فراس : حلوو... حصل خير انشاء الله
فاطمه وهي منذبحه مو جايها النوم وكله فيها دوخه ومو مشتهيه تاكل وكله ترجع
جاسم صحى من النوم على صوت فاطمه وهي ترجع وتون راح يركض لها: شفيك قلبي
فاطمه : ماادري حاسه بدوخه وكله ترجيع
جاسم : بعد ترجعين قومي قومي اوديك المستشفى
فاطمه : لا ماابي اروح المستشفى يمكن ماخذه برد شفيك
بس يا ريت تاخذ جنان وتوديها بيت اهلي
جاسم : انا مو متحرك من جنبك الا لما اتطمن عليك بتصل على عامر يجي ياخذها يوديها جنب امي ومشاعل
فاطمه براحتك قلبي
جاسم : ثواني بس اكلم عليه وراجع لك
راح يكلم اخوه : الووووو
عامر: هلا بو جنان
جاسم : هلا والله
عامر: امر وش بقيت
جاسم : بقيتك تجي تاخذ جنان توديها عند امي ومشاعل اذا ما عليك امر
عامر : ليه وش صاير فاطمه فيها شيء
جاسم : لا ابد سلامتك بس تدري جنان لو يوم ماتشوف مشاعل تجن
عامر: اكيد يعني ما فيكم شيء
جاسم : ايوووه وش فيك تحن
عامر : طيب جهزوها بجي اخذها
جاسم :ok يا الله سلام
عامر: سلام
رجع جاسم جنب فاطمه : ها عمري شخبارك اللحين
فاطمه تمام بس كبدي لا يعه
جاسم : يمكن علشان ما كلتي شيء
فاطمه : لا مو مشتهيه ماابي .... طيب حياتي كلمت عامر
جاسم : ايووه كلمته قال جهزوها
فاطمه: طيب اقوم اجهزها
جاسم وكله حنيه : لا ياشيخه الحلو يجلس هنا وما يتحرك لين ارد له
فاطمه وهي تناظره بنظرات كلها حب: الله لا يحرمني منك يا انفاسي انت
جاسم : با سها ورفع ايده امين يارب طيب لا يجي عامر ويفضحنا خل اروح اجهز جنان وارجع لك على طول
جاسم : جنان ..جنان عمري تعالي بابا
جنان واقفه عند الباب : بنتلع بابا (بنطلع)
جاسم: ايووه انتي بتطلعين مع عمو عامر
جنان : وانت وماما ماتدون معانا ليس(ماتجون معانا ليش)
جاسم: لا انتي ماتبين تروحين عند عمتو شعلوله وماما ام جاسم
جنان : ابي الوح بس ماابي عمو عمور مااحبه انا
ام فؤاد على الغداء:الاوين نبراس
نورس: فوق تقول ماتبي شيء
ام فؤاد : والله ماادري وش اللي صاير لها بنيتي
فراس : انا بروح اناديها
صعد فوق : نبراس يا الغاليه ممكن ادخل
نبراس:تفضل فراس
فراس: ليه ما نزلتي تتغدين معانا
نبراس : مو مشتهيه
فراس: مسك ايدها ما فيه شيء مااشتهي قولي لي انتي تفكرين في رجاء
نبراس ودموعها تنزل :اكيد افكر فيها ولا وش رايك معاي من زمان با المدرسه ومعرفتها الا توني
فراس يمسح ادموع اخته : هذا مو ذنبنا ذنب ابوي وابوها هذا اذا كان الكلام صدق
نبراس: اتمنى يكون صدق
فراس: انشاء الله ... تحبينها انتي
نبراس : ايوه احبها انت ما شفتها كيف كانت خايفه يوم اغمى عليّ حسيتها اقرب وحده ليّ
فراس: الله لا يفرق ما بينكم انشاء الله ... بس نبراس يا ريت لو تجيبين رقم واحد من اخوانها
نبراس انصدمت : ليه فيراس
فراس: ابغيه وخلاص.... بتجيبين الرقم ولا اتصرف لحالي
نبراس : اشوي واجيبه لك
طلع فراس من اخته ونبراس محتاره دق جوالها المتصل الهيمان
نبراس ارد ولا ماارد ... بس اهو كاسر خاطري خل ارد واشوف وش يبغى
نبراس بنبرة حزن : الو
حامد: هلا زين رديتي ... لا كان غيرتي الرقم بعد علشان ماأكلمك او ازعجك
نبراس: حامد تكفى اشوي اشوي عليّوافهمني
حامد : وش اللي تبيني افهمه
نبراس:حامد انا مااقدر اكلمك
حامد مصدوم: وليه يانبراس لا تنسين اني تعلقت فيك ومااقدر اتركك
نبراس بترجي : تكفى حامد اذا تعزني انسى رقمي
حامد : شلون يانبراس انسى رقمك وانتي الحب الابدي في حياة الهيمان لا مااقدر يا ريت لو تفهميني ليه انتي تسوين فيني كذا
نبراس: حامد لو تطلع ولد عمي راح اطيح من عينك وبتقول عني قليلة أدب أني كلمتك




وعذروني على ذكر عوائل تراهم عوائل كذا جاوو في بالي لاحد يزعل واو ياخذ بخاطره

الجزء السابع
حامد : لا تدرين .. أني أتمنى أنك تكونين بنت عمي ومستعد بس تتعدل الامورأجي وأتقدم لك .
نبراس بحياء : يعني عادي أنك كلمتني
حامد : ايوووه عادي يعني قصدك لعاب مااسويها ما اخترتك الا بكيفي وثقي بكلامي يا عمري حتى لو انك مو بنت عمي أبيك لآخر لحظه
نبراس: تدري انك ريحتني خفت انك تستغلني وتلعب بمشاعري
حامد: لا يا نبراس انتي ما تعرفين شقد اللي بقلبي لك نبراس انا احبك واتمنى لو انك تبادليني وما تقطعين تعودت على صوتك كل يوم
نبراس : طيب تامر امر يا اخوي
حامد: وردينه على اخوي تكفين عاد بدلي ها الكلمه ناديني حامد ولات ناديني اخوي احس كانك رجاء اللي تكلمني مو حبيبتي
نبراس: طيب خلاص ما تسوى عليّ يا حامد Ok ببدلها وش اللي تبغى بعد
حامد: ماأدري أنتي أختاري ..حامد ما يدري شنو اهو في قلب عمره وحياته نبراس قلبه
نبراس : طيب حامد ممكن اسكر اللحين لان بروح اجلس جنب ماما وبعدين بكلم على رجاء
حامد: يا ريتني رجاء ... كله رجاء وانا
نبراس :أنت شيء ثاني
حامد : يعني انا اغلى من رجاء
نبراس : ماادري .... وما راح اقول لك وخلني اللحين اسكر اروح عند ماما
حامد : طيب بس لا تنسين تكلمين عليّ ما اقدر اسوي اي شيء الا لما تكلميني حتى أكل مااقدر اكل الا لما تتصلين وتسأ ليني كليت ولا
نبراس : يعني هذا اللي يريحك
حامد : ايوووه هذا اللي يريحني واتمنى انك تطبقينه
نبراس : بس بعدين تصير بايخه
حامد : لا ما تصير بايخه انا اللي ابغى كذا
نبراس : طيب بس ممكن اروح الحين
حامد : روحي بس عمري أنتبهي لنفسك ولا تتضايقين
نبراس: انشاالله
رهف كانت جالسه عند الكمبيوتر وتكلم خطيبها
رهف : ههههههههههههه يا عمري يا عادل
عادل: قلبي ابغى اشوفك طيب
رهف : لا ما ابغى أحنا ما اتفقنا على كذا
عادل: بس انا ابيك قلت لك
رهف : بس عادل متى بتجي وتخطبني
عادل : لا حقه لا تستعجلين عليّ يا قلبي
رهف : بس هذا غلط أني اكلمك وعلى علاقه وكل ما قلت لك ترجع تقول لا حقه ليكون تلعب عليّ انت
عادل : لا العب عليك طول ها السنوات معاي والعب عليك بس انتي استني عليّ اشوي
رهف بعصبيه : طيب أنا بطلع باااااااااي
عادل:بس ليه معصبه طلعي بس لا تكلميني كذا
رهف : بغيت شيء الحين بطلع
عادل : لا سلامتك بس اتمنى انك تروقين وتدخلين طيب
رهف : يصير خير ..... بااااااااااااي
عادل: باااااااي
ريما : حبيبي ابغى اروح السوق
حمد: ايووه روحي ويا اختك عادي
ريما: لا اروح ويا اختي عمرك ما قلت لي اروح انا معاك شنو انت مو زوجي
حمد : طيب بس ليه ها العصبيه كلها حياتي وراح جلس جنبها عمري ريوم ... حياتي ام راشد الغاليه أروح معاك ليه مااروح
بس لا تعصبين قلبي .... ويا الله جهزي حالك بروح معاك
ريما: من جد بتروح معاي
حمد: أيوووه بروح معاك كم ريما عندي
ريما بثقه: أكيد وحده
فراس اللي تواعد مع اعيال عمه في احدى المقاهي
الكل كان متواجد من ابناء بو احمد وابناء بو فؤاد
سلمو على بعض احمد مسك محمد ويهس له: احس ذاك فيه شبه مني تعتقد صدق الكلام يقصد (فؤاد)
محمد : ايوووه يشبهك
فراس : منو فيكم حامد
حامد : أنا
فراس : هلا تشرفت شرح الموضوع كله للشباب
محمد واحمد اللي انصدمو اول ما اعرفو السالفه
محمد: يعني انتو احفادعبد الرحمن محمد سالم آل سعيد
فؤاد : ايوو احنا احفاده
احمد : يعني ما غلطت يوم قلت انك تشبهني
جلسو يضحكون على احمد
احمد : الله كان زين لو يطلع الكلام صدق
فهد: شرايكم عندي لكم اقتراح اللي نتاكد منه انشاء الله




فراس وحامد : شنو تكفى نبغى نحلها
فهد : نروح المزرعه سوا
فؤاد : شلون نروح المزرعه انت انهبلت
محمد : الا صح نروح المزرعه الكبار اهما اللي يكلمون الوالد وعمي حلو واذا سالو وش المناسبه قول لهم انا رجاء اختي متفقه مع اختك ونحطهم قدام الامر الواقع وينحل كل شيء ان طلعتو عيال عمي فهذا شرف لي وان ما طلعتو عيال عمي هم شرف وفخر لي
الكل كان موافق على روحة المزرعه وجالسين على اعصلبهم
فؤاد : طيب خلاص احمد نحدد يوم واكلم عليك
احمد : استناك
فراس : محمد ممكن تنضم تبع ربعنا انا وفارس
محمد : انتو تؤم
فراس : ايوووه تؤم
محمد : الله شحليلكم وناسه تتشابهون مره وممكن انضم لكم
حامد : وانا صدق ما تستحون وش شايفيني مو رجال حرام عليكم قهرتوني
فارس: انت اول واحد ولا يهمك اهم شيء ما تزعل


جاسم : ها عمري فاطمه شلونك حياتي
فاطمه : يا روحي يا جاسم روح دوامك
جاسم: ماني رايح بجلس جنبك ... انا اخذت اجازه اليوم لعيونك
فاطمه: والله ما له داعي تسوي كل هذا علشاني
جاسم : تستاهلين واكثر يا قلبي وهو ماسك يدها عمري فاطمه انا اهم شيء عندي راحتك
فاطمه قربت منه وحضنته : راحتي يا قلبي من راحتك الله يخليك لي ولا يبعد عني
جاسم : جاسم مافك من حضن فاطمه حاضنها بقوه : يهمس لها انا ياعمري خاطري انفاسي تنخلط بنفاسك ونصير روح وحده في جسدين
ياقلبي وبا سها في جبينها
فاطمه : طيب حياتي انت مو جوعان ما تبي تاكل
جاسم : الا جوعان بس اذا ما تبين هم انا ما ابغى
فاطمه : لا بقوم اسوي شيء ناكله
جاسم: تقدرين ولا
فاطمه : ايوه اقدر بروح المطبخ
جاسم : بس لا تتاخرين عليّ بسرعه ولا راح انام وما بجلس اكل معاك
فاطمه لا ثواني بس وبرجع لك طالع التلفزيون حياتي
راحت المطبخ توها داخله حست بدوخه والدنيا تدور فيها
جاسم سمع صرخة فاطمه : آآآآآآآآآآه طاحت اغمى عليها
جاسم راح يركض عند فاطمه جلس جنبها وهو يجلسها ابد مو حاسه بشيء أتصل با الاسعاف يجون
جاسم جالس والدموع تتطافر من عيونه ليع ليه يصير معاي كذا هذا اللي ما تبغى تخليني وهو يتنهد يا ربي يا ربي تقومها بسلامه
دق الجرس طلع يفتح الباب دخلو الاسعاف راح معاهم جاسم ... مو عارف يتصرف اتصل باخوها فؤاد يخبره
جاسم : الو
فؤاد: هلا جاسم شفيك ليه صوتك كذا
جاسم : فاطمه يا فؤاد فاطمه
فؤاد : جاسم شفيها اختي
جاسم : ما ادري شنو فيها وهي الحين با المستشفى ... فؤاد تكفى لا تخليني تعال بسرعه
فؤاد: هد نفسك والحين جايك انشاء الله ما عليها الا العافيه
جاسم : انشاء الله ربي يسمع منك
فؤاد كان جالس مع اخوانه .. كلهم يطالعونه ليه ملامحه فجئه تغيرت
فهد: فؤاد شفيك؟؟؟
فؤاد : فاطمه با المستشفى
فهد شلون وامي منو بيقول لها
فؤاد : ما فيه غيري انا بقول لها بس انتو جهزو وروحو عند جاسم قبلي ولا بيستخف لو يجلس لحاله ومحد معاه
فهد : طيب يا الله يا فارس وفيراس قومو معاي
راح فؤاد عند امه : يمه جهزي نفسك بطلع معاك
ام فؤاد: ليه و وين بنروح
فؤاد: يمه يا الله عاد بتجين معاي ولا اروح لحالي
ام فؤاد: امري لله ... الله يستر حاسني قلبي من طلعتك هذي مافيها خير
فؤاد : يا الله انا بروح اشوف البنات يجون معنا نبراس ونورس راح وقال لهم
واهما طالعين بوفؤاد جاي: على وين يا ام فؤاد
ام فؤاد: ما ادري يقول فؤاد انه يبغى يطلعنا يقول والله يستر منه
فؤاد : ها يبى تجي معنا
بو فؤاد: بعد حتى انا تبي تطلعني معاكم
فؤاد : كيفك انا وياهم بنطلع وانت براحتك
ام فؤاد: بو فؤاد روح معنا الله يخليك

في المستشفى وجاسم حالته حاله على حبيبة عمره فاطمة دخلو عليه أخوانها وهو
مو مشتهي أحد
فهد: السلام عليكم
جاسم: وعليكم السلام
فراس: شخبار فاطمة
جاسم يتنهد: والله ما أدري وش أقول لكم ما أدري من جينا المستشفى والدكتور داخل ما طلع من عندها
فارس : وجنان وينهي
جاسم : جنان من الصباح في بيت أهلي
فارس : يعني فاطمة من الصباح هنا !!
جاسم : لا بس كانت تعبانه الصباح و أتصلت في عامر يجي ياخذها

في السيارة أم فؤاد خايفة : فؤاد يمه على وين رايحين
فؤاد: لا تستعجلين يمه أشوي وأحنا واصلين
وصلوا المستشفى لف فؤاد على أمه : يا أم الغالي يا الله أنزلي
أم فؤاد: وليه أنزل المستشفى وش صاير
فؤاد: يمه لنزلتي راح أقول لك
نبراس : فؤاد حرام عليك اللي تسويه تكفى تكلم
بو فؤاد ساكت يبغى يوصل لنهاية : يا الله أنا نازل
فؤاد : الوو
فهد: هـــــــــلا أخوي
فؤاد: هــــا أنتو أي طابق
فهد : الطابق الثالث غرفه ***
فؤاد: OK جايينكم

مسك أيد أمه .... يمه لا تنفجعين ما عليها إلا العافية
أم فؤاد: لا تقول فاطمة
فؤاد: إيه يمه فاطمة و أنا ما قلت لك لأني أدري تجلسين تبكين ومارح تصدقين كلامي بس جبتك لهنا أبغاك تتأكدين بنفسك
نورس : طيب خلينا نروح بسرعة
وصلوا عند الشباب بالطابق الثالث
راحت أم فؤاد جنب جاسم : وش فيها فاطمة
جاسم : خالتي ما أدري أهي من الصباح تحس بتعب
أم فؤاد: الله يستر
نبراس دق جوالها و مو عارفه تتصرف ردت
نبراس: الو هلا هاجر
حامد : هلا فيك هاجر ولا معالم أنا الحين هاجر شفيك يا قلبي
نبراس: لا أبد ما فيني شيء أنتي شفيك
حامد جلس يضحك : أها عرفت جنبك احد
نبراس : ترى ما لي خلق ضحك هاجر
حامد : حبيبتي وش بلاك
نبراس : أختي فاطمة تعبانه والحين أنا بالمستشفى
حامد : لا ما تشوف شر
نبراس: طيب الحين أقدر أسكر
حامد : أيوه خلاص باااااي
نبراس : باااااي
طلع الدكتور والكل كان توجه عند الدكتور
جاسم : بشر دكتور
الدكتور : أنت زوجها
جاسم : أيوه
الدكتور: طيب ممكن تتفضل المكتب
أم فؤاد : دكتور نقدر ندخل عليها
الدكتور : أيوه تقدرون بس من غير إزعاج
مشى الدكتور ومعاه جاسم
جاسم: خير يا دكتور
الدكتور : مبروووووووك زوجتك حامل بس خطر عليها يبغى لها راحة تامة
وما نقدر نطلعها اليوم من المستشفى
جاسم: ليه شفيها أهي وش اللي طلع عليها
الدكتور: الدم نازل عندها يا أستاذ جاسم
جاسم : لا حول الله
الدكتور: بس ياريت حتى لو أطلعت من المستشفى تحاولون أنها ما تتحرك كثير على شانها وعلى شان البيبي
جاسم : مو المهم البيبي المهم المدام
الدكتور: أنشاء الله المدام والبيبي ما عليهم إلا العافية
جاسم : الله يسمع منك ... يا الله يا دكتور سلام
الدكتور : ســــلام

حامد : رهف تعالي أبيك أشوي
رهف : هلا شفيك
حامد: أبغى أدخل الماسنجر بأسمك
رهف : وليه طيب
حامد: بس كذا أبي أدخل
رهف : طيب أروح أجيب الاب توب حقي و أشغله لك
حامد : طيب لا تتأخرين



في المستشفى دخل جاسم غرفة فاطمة والكل كان بيطلع وطبعاً محد يدري عن فاطمة
أم فؤاد: يمه جاسم بناخذ جنان معنا
جاسم : طيب بس أخاف تزعجكم
أم فؤاد: عادي وش تزعجنا...... يا الله يا ووليدي عن أذنك
الكل رجع البيت الا جاسم مو قادر يتحرك من غير ما يسمع صوت فاطمة جلس جاسم جنب فاطمة ومسك أيدها ثواني معدودة وأفتحت عينها
فاطمة : أبغى ماي
جاسم : أنشاء الله عمر ثواني والماي عندك
راح جاسم عند (Nurse )
جاسم:excysame can you some water for my wife??
Nurse:yes. of course
جاسم:Thank you

راح جاسم عند فاطمة : حياتي هذا الماي وجبناه أوامر ثانيه يا قلبي
فاطمة : مشكور تعبتك معاي
جاسم بهمس : تعبك راحة يا قلبي
فاطمة : تسلم لي يا جاسم
جاسم : لو سمحتي من يوم ورايح يا حرم الأستاذ بو محمد ماتناديني جاسم ناديني بومحمد
فاطمة : وليه يا بو محمد
جاسم : بس كذا أنا أبغى
فاطمة : ألا ماقلت لي وش قال الدكتور
جاسم : ما قال شيء بس قال أمشي كثير ولا تاكلين جوعي نفسك
فاطمة : يا الله عمري تكلم عدل
جاسم : عمري ...مبرووووووووك
فاطمة : الله يبارك فيك ...ليه
جاسم : أنتي حامل بس قبل كل شيء ما فيه حركه ماعندي تقولين ما أشتهي أكل
ولا راح نخليك هنا بالمستشفى
فاطمة : من جد
جاسم : إيووه من جد ..... حط أيده على بطن فاطمة وتدرين هالنتفه ذا هو اللي متعبك كذا دمك نازل
فاطمة : يا الله يستاهل ولا
جاسم : يستاهل بس راحتك عندي أهم من كل شيء

رهف : الحمد الله ما دخل عادل
راحت وأعطت حامد الجهاز : تفضل يا أخ حامد
حامد : زاد فضلك ويا الله عطيني مقفاك
رهف : لا أحلف عاد ما خذ جهازي وبعد
حامد : يا الله عاد وبلاها هرج زيادة أطلعي وسكري الباب وراك

جلس حامد يشيك في إيميل رهف أشوي ويدخل عادل
عادل: هـــــلا حبيبتي
حامد يبي يعرف منو ذا اللي يتكلم : هـــلا فيك
عادل : عمري الى الان زعلانه
حامد : ما أدري عنك ولا تكلمني
عادل : أفــــــــا زعلك ما نقدر عليه يا حلوه
حامد شاف الايميل وشك فيه يا ربي يشابه ايميل عادل لا لا أهو ما يشابه متأكد
أكلم عليه افضل
حامد : هـــــــــــــــــلا براعي ذا الصوت
عادل : هلا فيك ... غريبة من زمان عنك ما سمعنا صوتك وينك يا أخي .... الربع يسألون عنك
حامد : لا بس أشوي ترتيبات عندي وأنشاء الله برجع لكم .... إلا عادل أبغى إيميلك
عادل : عطيتك أنا من قبل
حامد : أيوه بس إيميلي تسكر القديم وغيرته
عادل :Ok @******
حامد : مشكووور أنت داخل
عادل :أيوه داخل
حامد : بدخل ألحين
حامد أول ما سكر الخط راح وطابق بالاميلات .......... أستغرب معقولة رهف تعرف عادل لا ما أصدق
عادل رجع يكلم حامد على أنه رهف : عمري
حامد : نعم
عادل : أفا رهوفه وعلاقتنا ثلاث سنوات وين راحت
حامد شهق بعد ثلاث سنوات ....راح وناد أخته
حامد : رهف تعالي بسرعه أبيك
رهف ألوان وجهها متغيره ودقات قلبها تتسارع خايفه : شفيك
حامد : دخلي وسكري الباب ........................ تعرفين صاحب هذا الايميل
رهف : ها لا ما أدري دموعها على خدها تبكي
حامد : تكفين رهف صارحيني ولا راح يكون ذبحك على أيدي على شان أقدر أساعدك تراه صديقي
رهف : بعد صديقك
حامد : أيه صديقي بس تكفين قولي كل شيء عن علاقتكم سكر حامد الايميل
وجلس مع أخته وعرف كل العلاقه
حامد محتار ما يدري وش يسوي لقى حل واحد قدامه

حامد ما لي ألا أكلم عادل وأفهم منه السالفة بعد
حامد أتصل على عادل *********
عادل : هلا حامد وينك
حامد : هلا وغلا ..... لا مالي خلق ما دخلت (معصب)
عادل : حامد شفيك ؟؟؟
حامد : عادل أبغى أقابلك
عادل بستغراب : متى !! وين !!
حامد : ألحين .. وفي الجلسة
عادل : طيب جايك

عامر: يمه ... يمه
أم جاسم: شفيك خرعتني
عامر: يمه فاطمة مرت أخوي
أم جاسم: أشفيها تكلم
عامر: نيموها بالمستشفى يقولون
أم جاسم : شنو يقولون كان كلمت على أخوك
عامر : يمه فراس ولد خالتي أهو اللي قال أنها بالمستشفى ويبون جنان بياخذونها
أم جاسم : ما عليً من ذا الكلام كله أتصل في أخوك
عامر : هلا جاسم سلامات ما تشوف شر شفيها
خذت الجهاز أم جاسم من عامر : يمه جاسم وش فيها حرمتك
جاسم : ما عليها إلا العافية إنشاء الله
أم جاسم : وليه ما خبرتني والله خفت عليها
جاسم : يمه مشغول بالي عليها وربي
أم جاسم : طيب وش صار عليها
جاسم : بيجيك حفيد ثاني
أم جاسم : أحلف .... بس ليه نيموها عسى البيبي ما فيه شيء
جاسم : لا مافيه شيء بس فاطمة الدم نازل عندها من قلت الأكل
أم جاسم : أها طمنتني عليها مبروووووك وخلها تأكل
جاسم : الله يبارك فيك ... أنشاء الله ما راح أتركها لحالها
عامر ما صدق خبر على شان ينشره أتصل على فراس
عامر : هلا بالخال هلا
فراس : شفيك عامر توك مسكر مني
عامر : يعني تغبي علينا
فراس : شنو أغبي ماعنديي شيء أغبيه
عامر : و أختك
فراس : وش فيها بعد أختي ... أختي وعندكم شنو بعد
عامر : يعني تسوي نفسك ما تدري أنها حامل
فراس : بذمتك منو قال لك ذا الكلام تو طالعين من المستشفى محد قال لنا
عامر : أجل أبغى بشارتي ...
فراس: ما تبي كف يسنعك
عامر ناقع ضحك على فراس: ليه مو مصدق
فراس : ايوه ما أصدق لأن كنا هناك
عامر : ما يبغونكم تدرون قبلنا <يحب يقوم فوضى>
فراس: أها يعني البنت مو بنتنا Ok هين يا جسوم خذت أختي وبعد ما تعلمنا أخبارها
عامر : أهدأ بعد كيفهم ما يبغون يعلمون أحد
فراس : يا الله يا الله بااااااااااي
عامر : أمزح معاك ... فراس لا تعصب بيعلمونكم بس يمكن أنشغلوا
فراس: أيه صدقت أنشغلو باااااي
عامر : كيفك بااااي

حامد اللي كان معصب بس مهدأ نفسه على الآخر لأن أهو يوم حب محد منعه من ها الشيء بس كان خايف أن عادل يلعب ويستغل أخته
حامد : طيب عادل بعد ما عرفت هذا كله وش ناوي عليه بعد ذا العشرة
عادل : ناوي أخطبها ... بس وربي ما دريت أنها تطلع أختك والحين يزيدني شرف
حامد : عادل أبي منك الحين تنهي المكالمات اللي بينكم وأذا تبغاها تعال من الباب وجيب أهلك معاك
عادل : و أنت تامر يا أبو حميد
حامد : تدري يا عادل كنت مفكرك تلعب وخفت على أختي
عادل : حامد مو أنا اللي ألعب
حامد : طيب ونتشرف فيك .. الحين لازم أرجع البيت و أشوف رهف اللي ميته من البكي على اللي سوته
عادل : شفيها رهف ... تكفى حامد وربي ما سوت شيء غلط كل اللي سوته بس مكالمات لا و بالماسنجر حتى صوتها ما سمعته
حامد : أدري والله أدري بس أهي فشلانه مني
عادل : تكفى يا حامد هدأها وقول لها الكلام اللي قلته بس متى تبيني أجيكم
حامد : أستنى على الأسبوع الجاي ... بس تطلع بنت عمي من المستشفى وتستقر الأمور تعال محد رادك
عادل : طيب ... يا الله باااااي
حامد: بااااايااااات



فراس دخل على أهله و أهو معصب ومكبر السالفة الكل كان جالس بصالة
فراس من غير نفس : السلام
(الكل وعليكم السلام)
بو فؤاد : شفيك يا وليدي معصب
فراس : شلون يمه نطلع من فاطمة وما نعرف أخبارها
أم فؤاد : وش فيها بعد يمه
فراس : ما فيها ألا العافية ... نطلع من عندها و أخر الناس تدري أحنا
نبراس : طيب وش فيها
فراس : أحنا كنا بالمستشفى وما درينا أنها حامل وعامر اللي في بيتهم الأخبار كلها عنده
أم فؤاد مستانسه : صدق فاطمة حامل
نورس ونبراس : الله وناااااااسة
فراس : شلون مستانسين و أحنا محد قال لنا من الأول
أم فؤاد : ما يهم الحمد الله رب العالمين أنها بخير
فراس : آه يا القهر أحر ما عندي و أبرد ما عندكم عادي عندكم أخر الناس تدرون
نبراس : طيب يمكن من فرحة جاسم ما خبر أحد
فراس يبالق : صدقت ما خبر أحد و أهو ما ظل أحد ما قال له أن زوجته حامل
أم فؤاد : قوم طيب لا تقوم حرب وش صار يعني

حامد راح مستانس أنا عادل كلامه جاد فيه :رهف تعالي أختي
رهف راحت عند حامد وحضنته
حامد : رهف أتمنى تسمعيني للآخر
رهف : أسمعك بس قبل كل شيء سامحني يا أخوي
حامد : مسامحك يوم سمعت كلام عادل ... ريحني يا رهف ريحني
رهف والدموع في عينها : شنو قال لك
حامد : قال حق أخته اللي قاله عادل ... الحمد الله أنه طلع رجال مو لعاب ..بس اللي أبغاه منك أنك ما تدخلين الماسنجر وتكلمينه
رهف : أنشاء الله و أنا يا حامد من أيدك اليمين إلى أيدك اليسار بس أنت تأشر
حامد : كفو بس أنا ما أبغى الناس تقول بو أحمد ما عرف يربي أعياله ... أنا كل اللي خفت منه أنا يلعب عليك بعدين يورطك ... والحين يا الله روحي وجيبي الاب توب حقك وما راح يرجع لك ألا لما يجي يخطبك من أبوي ... وسمعي روحي نامي مو تجلسين وتفكرين فيه للحين ما خطبك

رهف : حاضرين للغاليين
دق تليفون حامد : هلا والله زين أفتكرتي فيني يا الغلاااا
نبراس : ومن متى ما أفتكر فيك
حامد : أنا أدري عنك بس أنتي صار لك فترة وأنتي بتتصلين وما أتصلتي
نبراس : والله كنا متضايقين على فاطمة أختي
حامد : طيب وش طلع عليها
نبراس : الحمد الله حامل .... بس نوموها عندهم
حامد : وليه طيب
نبراس: لأن الدم نازل عندها ونوموها
حامد : أها مبرووووووك وسلامتها ما عليها ألا العافية بس تتعير تبغى تشوف إذا زوجها يحبها و لا
نبراس : يعني لا أختي ما عندها تعيير ... واثقة في زوجها
حامد : طيب وأنتي واثقة فيني .... ولا لو كنتي بمكان أختك تعذبيني
نبراس: حامد شفيك ... ما صار شيء علشان تقول ذا الكلام
حامد : تبغيني ألحين أكلم أخوك و أقول له عن كل شيء ... أفا عليك ما كون ولد آل سعيد أن ما أخذتك
نبراس : شوي أشوي ترى حتى أنا بنت آل سعيد لا تغتر
حامد : أحم أحم يزيدني شرف بس أنشاء الله قريب وراح يخلص الموضوع و أكلمهم في موضوعي بعد
نبراس : حامد نسيت أنا ورأي مدرسة
حامد : أوووه عمري روحي لا أعطلك باي
نبراس : باي
صبح الصبح وكل واحد جالس مع أهله ويتريقون واللي يصبح بصوت حبيبته كل واحد وعادته
منيرة : كانت متضايقة ... ليه أحمد ما كلم عليً خل أتصل عليه يمكن يكون مشغول
أحمد كان منصدم يوم أتصلت ياربي وش ذا المصايب تتحذف عليً ونسيت منور أني أكلمها خل أرد بسرعة وربي يحلها معها
أحمد : هلا وغلا بعمري وحياتي
منيرة : هلا بيك حبيبي وينك حرام عليك تترك قلبي يتعذب ويحاتيك ولا خايف على خسارة التليفون
أحمد : أبوه و أبو الفواتير كلها تفداك ياروحي
منيرة نست كل شيء وفرحت يوم أحمد قال لها هالكلمتين
منيرة : طيب حياتي مارحت الدوام
أحمد : لا ما بروح لا الثلاثاء و لا الأربعاء
منيرة : أووووه أووووه وش السالفة بتجلس بالبيت
أحمد : لا بس عندي أشوي ترتيبات مع العايله أبغى أخلصهم
منيرة : أها بس وش دعوه ما خذ أجازة يومين غير الأجازة الرسمية يوم الخميس والجمعة
أحمد : يدوب تكفي هذا أذا ما تضبطت الأمور أما أذا تضبطت بأخذ أجازة أكثر بعد
منيرة : غريبة والله أول مره في حياتك تسويها
أحمد : يا الله أذا فيها مصلحه للعايله أسويها

منيرة : أها ... أحمد بس لا تنساني كلم عليً طيب
أحمد : طيب طيب حياتي
أحمد كان متواعد مع أخوانه و فؤاد و أخوانه أنهم يتغدون في الجلسة على الساعة 1:00 الكل كان متواجد في الجلسة حامد أستأذن منهم
حامد : بروح أشوي وبرجع بس أكلم صاحبي
راح ونسى عمره مع الحب الأبدي نسى الغداء ونسى كل شيء
حامد : ها عمري علومك؟؟
نبراس: دام أنت بخير أكيد أنا بخير
حامد : حبي كتبت شعر لعيونك
نبراس : وأنا أسمع
حامد : أكيد ممكن يا قلبي ... أحم أحم بس عاد صفقي لي
أنتي الحبيبة و أنتي عن دنياي البعيدة
لا كن لا يهمك أنتي بروحي وبقلبي قريبه
حطي في بالك أنك أنتي في عمري الوحيدة
أبد ما يدخل في حبي غير حبك يا الحبيبة
يا ترى أنا الوحيد ولا في قلبك واحد جديد
تكفين حطيني في بالك أني أنا القديم و أنا الجديد
و أنا في روحك أبغى أغلى حبيب
وسلامتك الهيمان
حامد آل سعيد

نبراس جلست تصفق لحامد : أكشخ أكشخ كل هذا لي
بس حط في بالك ترى كلامك صدق أنت القديم أو .......
حامد : أيوه والثانية شنوو
نبراس: وأنت الجديد أما الثالثة ما أدري
حامد : حرام عليك أتمنى حتى الثالثة تكون لي
نبراس : يصير خير
فارس ينادي على حامد ... وحامد مطنش جالس في العسل
نبراس : كأن صوت أخوي فارس
حامد : أيوه فارس
نبراس : وش اللي جابه عندكم... وش يسوي ؟؟؟
حامد يتصنع العصبية : مالك دخل جلست رجال
نبراس ببراءة : آسفة حامد
حامد : يا قلبي لا تزعلين بس مجتمعين بنتغدى مع بعض
نبراس : أهااا
فارس : أقول يا أخ حامد ساعة و أنت تكلم تغدينا عنك
حامد : بذمتك .. حرام عليكم مالكم صاحب كان أستنيتوني شايفيني سواقكم الهندي ياكل الحالة
فارس : أفااااا و أنا أقدر أتغدى عن حبيب قلبي حامد بس تكفى بسرعة علشان
ما تصير سواقنا من جد ونخليك تتغدى لحالك
حامد : طيب الحين جايكم
نبراس : طيب حامد أخليك تروح تتغدى
حامد : يا ربي متى تصيرين ملكي و الناس تناديك يا حرم الأستاذ حامد
نبراس : هذا يعتمد عليك أنت ... ويا الله روح لا تصير سواقهم
حامد : أحم أحم الحين بروح ... قولي أبغى الفكه منك ولا تقولين لي كذا
نبراس : وربي بس ما أرضى عليك
حامد : أحلى أحلى طلعي اللي بقلبك لي
نبراس : يا الله عاد باااااي

جاسم راح يخلص أوراق فاطمة عاشان خروجها من المستشفى خلص وراح لها
جاسم : يا الله قلبي خلصتي
فاطمة : أيوه خلصت .. بس جاسم
جاسم : عيون جاسم لمركبه أمري تدللي وش بغيتي
فاطمة : سلامتك قلبي بس مشتاقة حق جنان
جاسم : ولا يهمك خالتي أتصلت فيني وقالت أوديك عندهم ترتاحين كم يوم
فاطمة : و أنت وين بتروح
جاسم : عادي الشقة أو بيت أهلي
فاطمة : لا ما أقدر أخليك لحالك عمري
جاسم : يا روحي يا قلبي أنتي راحتك ألزم ولا تفكرين فيني
فاطمة : شلون ما أفكر فيك ما أقدر ... و انا راحتي جنبك جاسم لو تتركني راح أزيد تعب
جاسم : أسم الله عليك قلبي وعد مني أول ما تصبحين بوجهي وما تسكرين عيونك الا و انا جنبك بس علشان خواتك ياخذون راحتهم عمري ... وعلشان خالتي بعد أطلبتني وما حبيت أردها ويكفي أخوك بعد
فاطمة : أي واحد فيهم ... شنو سوى لك
جاسم : فراس دق عليَ وكلاني ليه محد قال لهم أنك حامل وعامر يدري قبله
فاطمة : ما عليك منه فروس ... موافقة بس يومين و أرجع
جاسم : برايك حبيبتي


العصر بعد ماخلصو الشباب من الغداء أنهو الموضوع على أن يوم الأربعاء يروحون المزرعة
أحمد : طيب فؤاد انا أكلم الوالد وهم أنت كلم والدك ويصير بينا ألو طيب
فؤاد : تامر .. يا ربي متحمس حق بكره حدي
محمد : أحنا ما راح ننام ألا بالجلسة
فارس : ما نقدر نفارق بعض
فراس : أيوه الله أحس السالفة بتطلع صدق
أحمد : طيب أنا بروح يدوب أشاور الأهل
فؤاد : و انا بعد بروح
أحمد : دخل على أمه و أبوه ورجاء كانت جالسه .. رجاء تعالي أبيك أشوي
قامت رجاء وشافت أخوها شنو يبقى
أحمد : رجاء أنتي تبغين صديقتك نبراس
رجاء بستغراب : أيوه أبغاها !!بس وش السالفة ؟؟
أحمد شرح السالفة كلها
رجاء وافقت على طول
راحو لصالة جلس أحمد عند أبوه ... يا أبو أحمد قررنا نروح المزرعة نغير جو
بو أحمد : حلو بس منو اللي جاته الفكرة
أحمد : ها يا أم أحمد شرايك ؟؟
أم أحمد : رايي من رايك أذا بتروح بروح معاك و أذا بتجلس بجلس
رجاء : تكفى يبى وافق
بو أحمد : طيب ... بس كلم أختك أم راشد
أحمد : طيب يبى
ونفس الموقف صار حق فؤاد عند أمه و أبوه ودخلت فاطمة وجاسم(السلام)
أم فؤاد : هلا يمه هلا ببنيتي تعالي جلسي جنبي
فؤاد : ألا يا أبو محمد جهز نفسك بنروح المزرعة بكره
جاسم : وش صاير
فؤاد : ما صاير الا الخير بس حبينا نغير جو
جاسم : بس دوامي الأسبوع هذا ليل
فؤاد : عادي ما تقدر تأخذ أجازه يومين
جاسم : بشوف أقدم على أجازه

أحمد راح يكلم ريما : هلا ريوووووم
ريما : هلا فيك شكلك مستانس
أحمد : وعلى الآخر بعد
ريما : وش عندك ؟؟؟
أحمد : بكره مجتمعين في المزرعة
ريما : والله ... وكم يوم بنجلس
أحمد : يمكن يومين ويمكن أكثر
ريما : الله وناسه أنشاء الله أكثر
فؤاد دق على أحمد يخبره أنا أبوه وافق وكل واحد قال الخبر لثاني
فؤاد : أحمد وش رايك نسوي مقلب لشباب
أحمد : يا الله عادي يستاهلون
فؤاد : بقول لهم أنا نبراس خربت السالفة و أهلنا ماوافقو
أحمد : طيب تمرني الحين البيت ولا أروح بسيارتي
فؤاد : لا أمرك الحين يا الله خلك جاهز
راحو أحمد و فؤاد الجلسة و الشباب جالسين على أعصابهم أول ما شاف محمد السيارة قام يركض وقاموا الشباب كلهم وفؤاد و أحمد مصطنعين الحزن
محمد : ها وش سويتو بسرعة وربي دمي نشف
فؤاد : وش أقول لكم
فراس : فؤاد تكفى بسرعة تكلم جالسين على أعصابنا
فؤاد : نبراس خربت السالفة
فارس : شلون بنتحر أنا كل ما جينا نسوي شيء بيخترب
فؤاد : رحت وخبرتها ومن فرحتها راحت قالت حق أبوي تكفى يبى لأن صديقتي بتروح معانا أهي و أهلها وهني أبوي أصر على انا يعرف منو هذي البنت حاولنا نعدل السالفة ونرقعها بس ما وافق
أحمد : حسافه منقهر حدي
محمد : وأنت يا أحمد وش قال أبوي
أحمد : أبوي كان مو راضي بس بعدين أقتنع
حامد في قلبه أخ يا القهر ما أدري أذبحك يا نبراسوه
وظلوا زهقانين وما لهم خلق طول الوقت وأحمد و فؤاد اللي جالسين ويضحكون على أشكالهم شلون طفشانين
فهد : وربي أنت وياه وراكم شيء على ضحكم
أحمد : وليه ما نضحك أذا هذا حضنا ينختم على وجيهنا القلق والحزن المأبد يعني
فهد : لا بس المفروض تكونون معانا في فرحتنا وفي حزنا
فؤاد : مالنا خلق زهقنا مساعه وبس لي متى بنجلس زهقانين
فارس : تصبر لذبحها هذي أوريها العنزة ذي
حامد كاتم ضحكته شلون فارس زهقان ويقول عن أخته قدامهم عنزة بعد
فراس : حدك عاد وعن الغلط وش تسوي بعد فرحانة وما قدرة تعبر عن فرحتها
فارس : أه لو هي جنبي كان لكيتها بطراق ... ما تقدر تحفظ ألسانها وتسكت
فهد : كان فؤاد خليتها تنثبر في غرفتها وما خليتها تجلس معك
فؤاد : وش أسوي أهي جات ما أقدر أقول لها أنقلعي
فارس معصب : خل أدق عليها العنزة ما يبرد قلبي ألا لما أهزئها مو متحمل شبون يصير يعني كذا
أحمد : لا يا فارس مو كذا عاد شلون تهزئها مسكينة
حامد وقف قلبه : حرام عليكم مسكينة لا تهزئونها خلاص نحاول مره ثانيه
فؤاد : لا أبوي ما عنده نحاول مره ثانيه
مسكو فارس علشان ما يتصل و أخذو بخاطره لأنه من جد منفعل وأكثر واحد شايل هم السالفة

وبقو على ذا الحال أكثر من ساعتين إلا نبراس تتصل في فارس

فارس:زين اتصلت أهي اللي تبغي التهزيء
حامد: لا يمكن الوالد وافق وحبة تخبركم
فؤاد واحمد الكذب طالع من عيونهم
أحمد:فؤاد قبووووو(ننحش يعني)
فؤاد:وهذا اللي بيصير يالله قبووو
أحمد: شالو واهو ميت من الضحك هههههه
وقفو عند الباب فؤاد: جهزو أنفسكم ترى الأهل موافقين هههه
فارس: اوريك خليتنا على أعصابنا وتوه بيقوم بيحط حرته في أحمد وفؤاد إلا حامد خلهم يا فارس مقلبهم السخيف رادينه لهم
فهد:عندي خبر أنكم تمزحون من ضحككم
وجلسوا مستا نسين وطوى الليل عليهم والكل فرحان على الأخر
الصباح على أجواء من الفرح والسرور كل واحد محتاس بنفسه في بيت بوفؤاد وبيت بواحمد اللي يعدل ملابسه واللي يسبح.
اتصل فؤاد على احمد:ها شلون الأوضاع عندك
أحمد: لاكثير مستانسين والحين بنروح المزرعه.......وانتو
فؤاد:حتى احنا شوي ورايحين بس أحمد تكفى حط بالك على عمي لايعصب.
أحمد: اوكي وانت حط بالك على عمي تدري تعبان
فؤاد:ok
أحمد:راح حق امه وأبوه ها يمه خلصتو
أم أحمد:شرايك يعني انت وينك
أحمد: وجاسم وينه ولا ناخذ فاطمه وأهو يجي بعدين
أم أحمد:لا اهو في الطريق.
عشر دقايق والكل متوجه للسيارات
حامد اخذ محمد ورجاء ورهف معاه بسياره ومطول على الاغاني . ومكيف على الاخر.... قدم على أحمد أنه بيروح قبله المزرعه.
أحمد:خلاص روح يا حامد وأحنا لاحقينكم.
وعند فؤاد أخذ البنات وروح واحنا جايينكم
فراس:okيالله يافارس ناد على نبراس ونورس خلهم يجون
فارس: هذا هم جايين
وصل حامد ومحمد المزرعه وجلسو يرتبون ملا بسهم ويدخلون عليهم فارس وفراس.
حامد:هلا والله اسفرت وانورت
فراس :هلا بيك
محمد:فراس محد جى معاك
فراس:ألاخواتي جاو بس هم برى
حامد:شلون برى...أستنى أتصل برجاءتطلع لهم...حامد توبيتصل ألا محمدلا شرايكم نطلع لهم احناوعلشان نورس ورهف ماينصدمون تدرون فرحة رجاء بنبراس بتخليها تلهى عن البنات

فارس:طيب خلهم يتقطون
حامد: ok. اتصل برجاء
حامد:ألووووو
رجاء: ألوات شفيك متصل ليه ماتجي مافيه احد جنبنا
حامد:لا...بس حبيت اقول لك تغطو جايين شباب معاي
رجاء:طيب
طلع وهوكاشخ مررره ومعاه الشباب وكل اشوي يلتفت على واحد ها شرايك عدل شكلي
وصل عند اخوه محمد
حامد:شرايك عدل ولا فيني شي غلط
محمد:ياربي عليك يا حامد.
فراس:شفيه حامد
محمد:أنا ادري عنه اللي يشوفه بيزفونه لعروسته ويقلد صوت حامد(عدل شكلي)
فارس: خلوه مسكين لا صاير روعه بس قول لي اللي يشوفك يقول انك تحب يا الاخو
حامد: ها...ماادري ...اقول انت وياه ياريت تنطمون وتكملون طريقكم انا مااحب
فارس ومحمد: انشوف اللي مايحب
وصلو الشباب عند نبراس ونورس
حامد: احم احم
محمد:يضربه على كتفه اقول اثقل
حامد:أسكت زين
فارس: اشفيك انت وياه سلموا
حامد: ايه صحيح نسيت.... السلام عليكم.
نورس ونبراس اللي ماشالت عينها عن حامد: وعليكم السلام
فراس: اعرفكم واهو ياشر هذي نورس اصغر خواتي وهذي نبراس
حامد في قلبه ..... شنو يعرفنا قلبي وما اعرفها و الثانيه ماله داعي يذكرها
محمد:هلا والله والنعم
نورس: هلا فيك ... ينعم بحالك
حامد: المهم تعالو ادخلكم داخل علشان البنات ياخذون راحتهم
فارس:ok...انتو اللي معطلينا دخلو عندرجاء ورهف الشباب والصبايا.
رجاء اللي من شافت نبراس واهي طايره
قامت وراحت احضنتها ويا ربي من هالموقف .
الكل مستغرب من رجاء ونبراس
لهدرجه علاقتهم قويه مع بعض ...وطبعا ً رجاء اللي عمت اعيونها نبراس وما شافت احد غيرها وما حست بخوان نبراس انهم موجودين.
رجاء: الله وش ها الوناسه وربي مو قادره اعبر عن فرحتي
نبراس: حتى انا حبيبتي الله لا يفرقنا
حامد: بل بل عليكم اللي يشوفكم يقول ما تشوفون بعض بالمدرسه كل هذا شوق لبعض
رجاء:موت حره لا ومشتا قه لها اكثر واكثر ولو جلستنا لكله مع بعض هم اشتاق لها
ونبراس وحامد يطالعون بعض ونفس التفكير
نبراس: أنشاء الله راح تكون جلستنا مع بعض
حامد: اشاء الله راح تكون جلستكم مع بعض
محمد: اقول حامد نسيت لا تعرفهم
حامد: ايوه صح نسيت ...هذي رهف وهذي رجاء الصغيره
محمد:وهذا فراس وهذا فارس وأختهم وش اسمها............ أتذكر حرف (س)
فراس: ايوه هذي اختي نورس
فارس: يا الله شباب نمشي
الكل ok...يا الله سرينا.
راحو الشباب في مجلس الرجاجيل وكانو متوترين وعلى اعصابهم
فارس:تصدقون حدي متوتر ما ادري شنو راح يصير
محمد:الله يستر إنشاء الله ما يصير الا الخير
فراس: انشاء الله
حامد: خلني اتصل على أ حمد أو فهد اهما فينهم
فراس: حامد اتصل على فهد لا ن مع جاسم وزوج اختي وعادي اما احمد معاه امك وابوك
حامد: ايوه خلا ص.....خل اتصل على فهد
حامد: الوووو ..هلا فهد
فهد: اللي كان التوتر غالب عليه هلا فيك
حامد: شخبارك
فهد: اسكت عني حدي متوتر
حامد: انتو ينكم
فهد: انا وجاسم قريبين منكم وفؤاد وابوي ورانا
حامد:كلمت على احمد انت
فهد: ايوه كلمت عليه من زمان و يقول أهوواصل عندكم
ألاأحمد دخل أهو وأبوه
حامد تعومس: فهد أبوي وأحمد وصلو
فهد:تكفى حامد لا تبين انك زهقان ومتوتر
حامد: ما اقدر كل شي واضح على وجهي
فهد: تكفى تصنع الضحك
حامد: إنشاء الله ...بطني قام يعورني
فهد: هد نفسك أقول ما تسوى عليك

حامد: ok…ok يا الله باي
فهد: باي

قام حامد والشباب سلمو على بو أحمد
جى محمد حق ابوه وأهو يسلم عليه
بوأحمد: ياوليدي منهم ذولي
محمد:هاوش قلت طال عمرك
بو احمد: وش فيم تعبان..... اقول لك منو هذولي
محمد: لا....اها هذولي ربعي
بو احمد: ليه ماقلتو ..تقولون بس احنا وانتو عازمين ربعكم
محمد:لا طال عمرك بس تدري يوبا نحب جمعة الشباب
بو احمد: عدل..... على راحتكم
جاسم اللي أستلم فهد من سكر الخط من حامد
جاسم: فهد تكلم عدل منو حامد وليه رايح معانا المزرعه ..وش السالفه اللي مخليتك متوتر
فهد: هذا حامد صديقي عرفت وجاي معانا لان انا وفارس وفراس نحب جلساته معانا اما وش السالفه انتظر نوصل وبتعرف.

جاسم : الله يستر منك
فؤاداول ما وصل اتصل في حامد
فؤاد:هلا حامد وش الا وضاع عندك
حامد: تمام عادي بس الله يستر منردت الفعل لما يشوفون بعض.
فؤاد: انشاء الله ما فيه الا الخير ....بس تعال منو اللي بيجلس عند الحريم ويفهمهم السالفه
حامد: ماادري يا انت يا احمد
فؤاد:لا مايصير انا واحمد بنجلس عند الرجاجيل
وانت وفهد واخذو معاكم واحد من الشباب اواقول لك كلكم عادي وروحو عند الحريم
حامد:طيب اروح ابلغهم
فؤاد:ok…أنا احين بركب السياره وخمس دقايق عندكم..
حامد:يا الله احتريك ...يا الله باااي
راح حامد وفهم الشباب الوضع كله واتفقو
بو احمد:يا عيال انا الوضع مو عاجبني اللي انتو فيه(حاسه قلبه )
احمد:لا يوبا ما فيه شي تعرف الشباب ومسا سرهم
وصل جاسم وفؤاد بنفس الوقت أتصل فؤاد على حامد وقاله انهم موجودين
استعدو الشباب للموقف اطلعوا كلهم برا وتركو احمد مع ابوه
دخلت ام فؤاد وفاطمه واللي استقبلهم فراس وفارس وحامد ومحمد....
فراس:هلا بامي تفضلي
ام فؤاد: على وجهها الا ستغراب زاد فضلك يا وليدي
فؤاد دقات قلبه تتسارع وبهذا الموقف مو عارف يتصرف بس زين معاه جاسم
جاسم:هلا عمي تفضل
بو فؤاد: هلا بيك يا وليدي
دخلو ..كانت الصدمه في وجه فؤاد بو احمد :ن واقف وما عطيهم ظهره احمد اللي كان يطالع ومنبهر هلا هلا تفضلو وراح وسلم على جاسم وبو فؤاد
كان مستغرب بو احمد منو هذا اللي يسلم عليه احمد
ولف اشوي وتلاقت عيون بواحمد وبو فؤاد
وادموعهم تسابق كلا مهم بو احمد وش اللي جابه بعد ها السنين وش اللي ذكره بأخوه
أحمد:هد نفسك يوبا ترى الدنيا ماتسوى والزمن لو يلف ويدور هم بتظلون اخوان
فؤاد ترك ابوه وراح عند عمه
فؤاد: عمي طول بالك وخل المياه ترجع لمجاريها
بو فؤاد ولدموع مش راضيه تتوقف وبكل الم وتحسر على السنوات اللي مضاهامن غير اخوه((اثاري الفلوس تغير النفوس))
بو فؤاد مد ايده حق اخوه وجى بو احمد وتعانقوا
وبهالموقف كانت الدموع دموع فرح عند الشباب وعند بو فؤاد وبو احمد
بو فؤاد:يا خوي لفلوس ماتغيرنا عن بعض وانا الحين لو تبي روحي رخصتها علشانك بس ماابغى نفترق بعد هالغياب
بواحمد:روحك غاليه علي يا اخوي ...الله ها الكلمه من زمان
ما سمعتها منك من زمان محد قالها لي يا خوي بوفؤاد.
بو فؤاد:ومن اليوم راح تسمعها لين اخر يوم بحياتي يا خوي
بو أحمد
أحمد اللي كان حاضن فؤاد: الحمد لله ربي انو جمعنا
جاسم اللي كان ضايع الكل لاهي لا أهو
جاسم:يا العمام يا الشباب وأنا وين رحت
بوفؤاد:أنت با القلب يا بومحمد
جاسم: تسلم وراح باسه
بو فؤاد: عرفته منو ولده يا خوي
بو أحمد: وشلون ما اعرفه هذا جاسم صح
جاسم: صح عمي
أحمد:تدرون نسينا الشباب عند الحريم خل أروح انادي عليهم
بو فؤاد: تعال يا وليدي وناد البنات خل يشوفون عمهم
احمد:انشاء الله
راح احمد عند الحريم وأهما في قمة الفرحه والوناسه
أحمد:السلام عليكم (الكل وعليكم السلام)
أحمد:ها وش الاخبار...شلونكم احين
ام احمد:الحمد لله ...واللحين بعد هالمه الحلوه احسن بكثير
تحمد: دووووم يارب...الا يمه ريما فينها
أم احمد:مابعد تجي
احمد: اتصلي عليها بسرعه
ام احمد: طيب يمه اللحين اتصل عليها
احمد: يا الله يا بنات ما تبون تسلمون على عمامكم
رجاء ونبراس : ألانبي يا الله
راحو الشبا ب كلهم و الصبايا فاطمه ورجاء ونورس ونبراس
ورهف.
بو فؤاد: اخذ اعيال اخوه ويبوسهم ويسمي عليهم
بو احمد:نفس الشئ ... الله يا خوي فاطمه تزوجة وعيلت ومادرينا عنها
بو فؤاد:لا وحامل بعد
بو احمد: صحيح... يا الله مبروووك والله يتمم عليك يا بنيتي
الا ريما توها جايه وعندها علم با الموضوع خبرها اخوها احمد
دخلت ريما جهت الحريم وسلمت عليهم
ريما: ها يمه وين البنات
ام احمد: عند عمك في مجلس الرجال
ريما :اوي يمه انا بروح لهم.
راحت ريما اول ما دخلت وش اللي بقى ليكلكم جالسين الا انا يا الله يا بنات بعدو عن عمي وخلوني اسلم عليه
بوفؤاد:هلا بريما بنيتي وش اخبارك
ريما: الحمد لله بخير ياعمي
بو فؤاد: الا منو هذي (يقصد ريتاج بنت ريما)
ريما : عمي هذي بنتي ريتاج
بو فؤاد:ماشاء الله كبرت تعالي يبى رتاج
ريما : ايو يا عمي كل هذا من عمرنا جبنا ريتاج وراشد
بو فؤاد: الله يخليهم بس وينه راشد
ريما تاشر على راشد :عند ابوه شوفه
راشد:اثعندكم تاثرون عليّ(شعندكم تاشرون علي)
ريما: سلامتك يمه ما عندنا شئ
راشد:الا ثفت ثبعك ثوبي انتي تتكلمين عني ( شفت صبعك صوبي)
ريما:ايوه كنت ابيك تجي تسلم على عمي بوفؤاد
راشد: هذا عمي يعني ابوث راثه(ابوس راسه)
ريما: ايوه تبوس راسه
راح راشد وسلم على بوفؤاد: الثلام عليكم
بوفؤاد: وعليكم السلام ...هلا بشيخ الرجاجيل
راشد: انا مو ثيخ انا ولد
بو فؤاد: ياعمري والله شحليله يتكلم كانه واحد كبير.....كم عمرك يا حلو؟؟
راشد: امي تقول عمري ثت ثنوات
بو فؤاد:العمر كله يا وليدي
راشد:بث خلاث اروح
بو فؤاد:ليه انت زهقت مني
راشد: لابث علثان انت ماتذهق
ريما: بعد عمري رشود تعرف السنع اجل يا الله روح
راشد: ماما في بنوته ثقيرونه (صغيرونه) العب معاها
ريما: العب معاها بس لا تطقها
راشد:انثا الله بث وث اثمها(انشاء الله بس وش اسمها)
بو فؤاد: هذي اسمها جنان
راشد: يا الله باي

الشبا ب اللي كانت جلستهم ولا أحلى
حامد: وش رايكم ناخذ إجازه أسبوع من الدوامات
احمد: جنيت انت لا خلنا نروح ونلتقي هناك وثاني شي البنات عندهم مدارس
حامد: لا البنات ولا تبغى تروح تجهز للعرس ومشتاق لعروستك
احمد:أخ يا القهر الله يعطيني طولت العمر وأشوفك خاطب واجننك
حامد: انشاء الله لا تستعجل بعد عرسك أووووه نسيت مكالمه ضروريه
محمد: ايوه ايوه
حامد:شب ولا كلمه انت
محمد: اقص ايدي إذا ماتحب
فارس: وانا اقصه